നീലക്കുറിഞ്ഞി പൂത്ത ഗൂഡല്ലൂരിലെ സൂചിപ്പാറ വ്യൂ പോയിന്റ് (Needle rock view'point) അടച്ചിട്ടിരിക്കുകയാണ്. പ്രവേശന കവാടത്തിനടുത്ത് തേനീച്ച കൂടുകൂട്ടിയതാണ് കാരണം. നേരത്തെ ഇവിടെ ഉണ്ടായിരുന്ന ഒരു തേനീച്ചക്കൂട് പരുന്ത് വാരിയതിനെ തുടർന്ന് സന്ദർശകർക്ക് കുത്തേറ്റിരുന്നു. ഓടിരക്ഷപ്പെടുന്നതിനിടെ രണ്ടു പേർ താഴെ കൊക്കയിലേക്ക് വീഴുകയും ചെയ്തു. അഗ്നിരക്ഷാ സേനയെത്തി കൊക്കയിലിറങ്ങിയാണ് രണ്ടുപേരെയും രാത്രിയോടെ  രക്ഷിച്ചത്. മലന്തേനീച്ചകളുടെ കുത്തേറ്റാൽ ജീവഹാനി വരേ സംഭവിച്ചേക്കാവുന്നതായതിനാലാണ് വ്യൂ പോയിന്റ് താൽകാലികമായി അടച്ചിട്ടത്.   തേനീച്ചകൾ എത്തിയത് മധു നുകരാൻ: മേട്ടു കുറിഞ്ഞിപൂത്ത് നീല ഉടയാട ചുറ്റിയ ഊസിമലൈ പ്രദേശം കാണാൻ അതീവ ഭംഗിയാണിപ്പോൾ. തേനീച്ചകൾ കുറിഞ്ഞി പൂക്കളിൽ നിന്ന് തേൻ നുകരാനായാണ് ഇവിടെ തന്നെ കൂട്കൂട്ടിയിരിക്കുന്നത്. രണ്ട് ദിവസത്തിനുള്ളിൽ ഇവ കൂടൊഴിഞ്ഞ് പോകുമെന്നാണ് വനംവകുപ്പ് അധികൃതർ പ്രതീക്ഷിക്കുന്നത്. ഈ കാലത്ത് ഇവിടെ നിന്ന് ലഭിക്കുന്ന  നേരിയ വയലറ്റ് നിറത്തോട് കൂടിയ തേനിന് വൻ ഡിമിന്റാണ്. കുറിഞ്ഞി യുടെ ഔഷധ ഗുണമാണ് ഇതിനുകാരണം. വ്യൂ പോയിന്റിലേതുപോലെ അതുപോലെ എല്ലമലയിലേക്കോള്ള ...